Shoqatat kulturore shqiptare dhe personalitete aktive nga landi më i madh në Gjermani, Nordrajn Vestfalen, të mbledhur me iniciativën e Shoqatës Kulturore Integruese “Identitet” me seli në Dyseldorf, përmes një peticioni kanë kërkuar nga institucionet e Kosovës, të mos e injorohet më diaspora shqiptare në botë.

Mes tjerash ata kanë kërkuar përfaqësim direkt të diaspores në institucionet e vendit përmes vendeve të rezervuara në Parlamentin e Republikës së Kosovës,

“Mërgata Shqiptare sidomos ajo nga Kosova, që nga paslufta është pjesa më e anashkaluar dhe e përçmuar e shoqërisë”, thuhet në një peticion dërguar institucioneve të Kosovës nga Shoqatat kulturore shqiptare, “Identitet” me seli në Dyseldorf, në krahinën më të madhe në Gjermani, Nordrajn Vestfalen. “Diaspora është pjesa më e merituar e para luftës, gjatë luftës, por edhe tash dhe është pjesa më aktive e shoqërisë kosovare”, thuhet në peticion.

“Zgjedhjet e përgjithshme politike të fundit, të mbajtura në Kosovë, ishin edhe një shkak më shumë i zhgënjimit të qytetarëve, pasi mërgata edhe njëherë u përjashtua nga e drejta kushtetuese për të votuar”, thuhet tutje, teksa shtohet se “është koha e fundit që Republika e Kosovës të sillet me qytetarët e saj në mërgim si Nënë, e jo si njerkë”.

Ndër kërkesat e shtruara në këtë pecion janë: Regjistrimi i diasporas; të hiqen pagesat e dyfishtë të sigurimeve të automjeteve në kufi; të krijohen kushte dhe ti mundësohet mërgatës të votojë, jo me postë, por në mënyrë elektronike dhe votim të drejtpërdrejtë  në vendvotime në Ambasada, Konsullata, apo edhe në selitë e klubeve dhe shoqatave shqiptare; të bëhet përfaqësimi i diaspores në institucionet e vendit me vendet e rezervuara në Parlamentin e Kosovës, pastaj që “stafi i Ministrisë së Diasporës të drejtohet nga diaspora” etj.rtk

Në fundt të peticionit, dërguesit e tij, theksojnë shpresen se “institucionet e Kosovës, do të marrin në konsideratë kërkesat legjitime të deklaruara në këtë peticion”. Peticioni u është dërguar gjithashtu, të gjitha mjeteve të informimit në Kosovë.